Ստեղծագործելու ուժը:

«Ստեղծագործությունը նման է ազա­տության. մեկ անգամ փորձելով, այլևս հնարավոր չէ առանց դրա ապրել։ Դա տրանսֆորմացնող, ապաքինող գործըն­թաց է»։

Կարլ Ռոջերս

Ստեղծագործելը մարդու համար ինքնաարտա­հայտման, չիրականացված երազանք­ների ու ձգտումների իրականացման միջոց է:

Ստեղծագործության մեջ մարդ ներդնում է իրեն, իր մտքերը, զգացմունքները, ցանկություններն ու երազանքները, իր հավատն ու խանդա­վառությունը:

Ստեղծագործելիս մարդն ասես ընկնում է այլ իրականության մեջ, որն ավելի լուսավոր է, գունեղ, գրավիչ և հաճելի:

Հաճելի հույզերը պարգևում են դրական լիցքեր, ավելացնում են գործելու կարողությունը:

Ստեղծագործելը և սթրեսը.

Գիտնականները պարզել են, որ ստեղծագործելը հակասթրեսային ազդեցություն ունի:

Կատարվել է հետազոտություն, որի մեջ ներգրավել են 18-ից 59 տարեկան մարդկանց, ովքեր 45 րոպեի ընթացքում նկարել են, քանդակել կամ պատրաստել կոլաժներ:

Փորձի մասնակիցների մոտ նախապես չափել են սթրեսային հորմոնի՝ կորտիզոլի մակարդակը: Փորձի արդյունքները գնահատել են՝ համեմատելով կորտիզոլի ցուցանիշը փորձից առաջ և հետո, նաև գնահատել են մասնակիցների գրավոր պատասխանները իրենց զգացմունքների ու հույզերի մասին՝ փորձի ընթացքում:

Բոլոր մասնակիցների մոտ սթրեսային հորմոնի՝ կորտիզոլի մակարդակը նվազել է՝ նկարելու, քանդակելու և նկարազարդելու սեանսից հետո:

Փորձի մասնակիցները գրավոր պատասխաններում նշել են որ, որ ստեղծագործելու ընթացքում նրանք ունեցել են հաճելի հույզեր և մտորումներ, ազատության զգացում, «հայտնվել են իրենց մանկությունում», նոր բացահայտումներ են արել իրենց մասին, գտել են իրենց կյանքում բարդ թվացող խնդիրների լուծումներ և մեծագույն բավականություն են ստացել ստեղծագործելու ողջ ընթացքից:

«Երջանիկ լինելու լավագույն ձևն է՝ փորձել գտնել ուրախություններ առօրյա կյանքում»:

Չինական իմաստություն

Ստեղծագործելու հավաքածուները պարգևում են այդ փոքրիկ ուրախությունները առօրյա կյանքում:

Աղբյուրը՝ https://hy.wikipedia.org; https://www.tandfonline.com