Թվերով նկարչություն.Այժմ նկարել կարող են բոլորը:

«Այժմ նկարել կարող են բոլորը». Գրավիչ է, միաժամանակ իրատեսական:

Յուրաքանչյուր ոք՝ անկախ սեռից ու տարիքից, կարող է նկարել իր նախընտրած նկարը՝ շնորհիվ թվերով նկարչության հավաքածուների:

Ընդամենը 3-5 օրվա ընթացքում կարող եք վերարտադրել և՛ աշխարհահռչակ նկարիչների գլուխգործոցները, և՛ ժամանակակից նկարիչների նկարները:

Գունային և ոճային բազմազանությունը լայն ընտրության հնարավորություն է տալիս՝ բնանկար, դիմանկար, նատյուրմորտ...

Պատահական չէ որ թվերով նկարչությունը օրեցօր ավելի մեծ ժողովրդականություն է վայելում:

Ի՞նչ է թվերով նկարչությունը:

Թվերով նկարչության հիմքում նկարազարդումն է՝ նախապես համարակալված հատվածները ներկվում են իրենց համապատասխան գույնի ներկով:

Ի՞նչ են ներառում թվերով նկարչության հավաքածուները:

Հավաքածուները հիմնականում ներառում են.

1. Կտավ, ստվարաթուղթ, կամ հատուկ մշակված փայտ՝ ապագա նկարի հիմքը:

Նկարի հիմքի վրա տպված է ապագա նկարի ուրվագիծը՝ համարակալված ըստ գույների:

2. Ներկեր, որոնք հիմնականում ակրիլային ներկեր են, ջրային հիմքով, արագ չորացող:

Ներկերը առանձնացված են հերմետիկ փակվող հատուկ տարաների մեջ, որոնք համարակալված են՝ ըստ նկարի ուրվագծի:

3. Հուշող ուրվագիծ

4. Վրձիններ

5. Ամրակներ՝ նկարը պատից կախելու համար

Ինչպե՞ս ընտրել նկարը:

Ստվարաթղթե հիմքով և կտավով հավաքածուները ամենալայն կիրառումն են ստացել:

Սկսնակներին խորհուրդ է տրվում նկարելու առաջին փորձը սկսել ստվարաթղթի վրա:

Կտավով հավաքածուները տպավորիչ արդյունք են տալիս: Կտավը հիմնականում փայտե շրջանակով է, որը ապագա նկարի կայուն հիմքն է: Արդյունքում ստացվում է շրջանակով նկար, որը հատուկ ամրակների միջոցով կարելի կախել պատից:

Հավաքածուները կարող են լինել 1-ից մինչև 5 բարդության աստիճանի, որտեղ «1»-ը` առավել հեշտ տարբերակն է, իսկ «5»-ը՝ առավել բարդը:

Բարդությունը պայմանավորված է համարակալված հատվածների չափերով: Առավել բարդ նկարներում համարակալված հատվածներն ավելի փոքր են:

Իհա՛րկե, ոչ մի բարդություն խոչընդոտ չի կարող հանդիսանալ, եթե ուզում ես ունենալ քո սիրած նկարը:

Վայելե՛ք ստեղծագործելու բերկրանքը:

Ստեղծե՛ք Ձեր սեփական գլուխգործոցը՝ Ձեր ընտրած նկարով: